SHKODËR– Shkodra u trondit në orët e para të mëngjesit pasi një sasi tritoli shpërtheu në banesën e shefit të Krimeve në Policinë e Shkodrës, Pëllumb Shpati. Duke folur për mediat babai i tij Gjergj Shpati kërkoi që policia të veprojë dhe autorët ose autori të shkojë para drejtësisë. Ndër të tjera ai tha se nuk kanë konflikte me njeri.
Gjergj Shpati: Mbrëmë rreth orës 4 jam dalë dhe kam pa cdo gjë të shkatërruar. Jemi 17 vetë, prej këtu dhe në kat të tretë, 3 familje. Ishte i fuqishëm, shkatërroi makina, fasada, avulli, mure. Ku patëm me i pa, nuk na priti njeri. Atë nuk e di pse ka ndodhur, isha në gjumë, s’më kanë tregu bëhu gati. Për shkak të detyrës se ne nuk kemi ngatërresa. As nuk i kam borxh kujt e s’më ka kush. Nuk e di. Shteti të bëjë punën e vet, të hetojë, unë s’kam asgjë.
Ngjarja e rëndë është regjistruar në orët e para të mëngjesit. Tritoli është vendosur para banesës së shefit të Krimeve në Policinë e Shkodrës Pëllumb Shpati duke shkaktuar dëme të mëdha materiale por fatmirësisht jo në njerëz. Të dëmtuara kanë mbetur muri rrethues i banesës, fasada e shtëpisë dhe makinat e parkuara në oborr. Ndërkohë në vitin 2019 vëllai i Pëllumb Shpatit j plagos me thikë.
