Nga Fatmir Popja
Edhe pse nuk zhvilluam një ndeshje mbresëlënëse në “Wembley” kundër Anglisë ,kuqezinjtë tanë tashmë do të kërkojnë ta fillojnë serinë e tyre të suksesit ndaj Andorrës në kualifikueset për Botërorin e 2026-ës. Me një histori pozitive kundër këtij kundërshtari , ekipi i Shqipërisë i ka të gjitha shanset për të shtuar edhe një fitore tjetër në bilancin e tyre që do të çonte në një rekord të mundshëm fitoreje ndaj Andorrës .Në këtë sfidë duhet të jemi të kujdesshëm dhe duhet të shfrytëzojmë të gjithë potencialin e lojtarëve më në formë .Objektivi i vetëm mbetet fitorja pasi kemi humbur kundër Anglisë dhe rrugëtimi i kulifikimit nuk është aspak i lehtë drejt Botërorit 2026 .
Sfida e radhës për Shqipërinë të Hënën e 24 Marsit, në stadiumin “Arena Kombëtare” në Tiranë jo vetëm që duhet fituar por ajo duhet të tregojë se kuqezinjtë do rikthehen si pretendentë për të shkëlqyer në ndeshjet kualifikuese Është momenti për të ndryshuar strategjinë e lojës dhe lojtarët e kombëtares duhet të sakrifikojnë më shumë se kurrë në fushë nga fillimi deri në fundin e ndeshjes.Shqipëria ka njohur një periudhë suksesi ndaj Andorrës duke arritur 5 fitore dhe 1 barazim duke mos pësuar asnjë gol në katër ndeshjet e fundit kundër saj.Nëse analizojmë më thellë historikun e ndeshjeve mund të vërejmë se Shqipëria ka pësuar vetëm një humbje ndaj Andorrës, një rezultat që ka lënë shije të hidhur për tifozët dhe lojtarët. Por pas asaj humbjeje ekipi ynë kombëtar ka bërë një rikuperim të shkëlqyer, duke arritur 4 fitore dhe 1 barazim. Dy prej fitoreve kanë qenë të thella, 3-0, ndërsa tre të tjera kanë përfunduar me shifra minimale 1-0, një tregues i forcës mbrojtëse të ekipit.
-Përmbledhje e rezultateve ndeshjeve mes Shqipërisë dhe Andorrës:
1. 06.02.2000 – Turneu “Rothmans”, Norcia, Itali: Shqipëria fiton 3-0 (Dalipi 64’ (p), Rudi Vata 87’, Roland Zajmi 90’).
2. 17.04.2002 – Miqësore në Della Vallle: Andorra 2-0 Shqipëri (Emiljano 34’, Ramirez 55’).
3. 02.06.2010 – Miqësore në Tiranë: Shqipëria -Andorra 1-0 (Hamdi Salihi 23’). 4.
25.03.2018 – Eliminatoret e Kampionatit Europian në Andorra: Shqipëria fiton 3-0 (Armando Sadiku 21’, Bekim Balaj 87’, Ermir Abrashi 95’). 5. 14.11.2019 – Eliminatoret e Kampionatit Europian në Elbasan: Barazim 2-2 (Bekim Balaj 6’, Rei Manaj 55’ / K. Martinez 18’, 47’).
6. 25.03.2021 – Eliminatoret e Kampionatit Europian në Tiranë: Shqipëria fiton 1-0 (Ermir Lenjani 41’). 7. 15.11.2021 – Eliminatoret e Kampionatit Europian në Tiranë: Shqipëria fiton 1-0 (Endri Cekici 73’ (p)). Bilanci Total: 7 ndeshje, 5 fitore për Shqipërinë, 1 barazim dhe 1 fitore për Andorrën.
Golaverazhi është 11:4 në favor të Shqipërisë. Sipas statistikave ,Shqipëria ka një bilanc të shkëlqyer kundër Andorrës dhe do të kërkojë të vazhdojë këtë traditë të suksesshme. Pas ndeshjes të së hënës, 24 mars 2025, mund të kemi një tjetër arritje historike ,një fitore tjetër që do të na çojë në një rekord të ri për fitoret ndaj Andorrës (6 fitore), duke e mbajtur kështu Shqipërinë në rrugën e duhur për të arritur objektivat e saj në kualifikimet për Botërorin 2026.Tifozët shqiptarë presin që ekipi të japë maksimumin në Air Albania ” dhe të sigurojë një tjetër rezultat të favorshëm për të mbajtur gjallë shpresat për kualifikimin në Botërorin e 2026.
