Kërkesa për miratimin e minimumit jetik u shpërfill nga Kuvendi dhe në vend të saj deputetët votuan projektligjin për rritjen e pagave të pushtetarëve Ky hap nga ngjallur jo pak reagime në publik . Ditën e sotme ‘Lëvizja bashkë’ dhe qytetarë të shumtë kanë protestuar para parlamentit, teksa mbahej seanca plenare dhe diskutohej rritja e pagave për deputetët, ministrat dhe administratën publike ndërkohë. Për News Zone aktivisti Xhuliano Bregasi theksoi se protestat do të vazhdojnë edhe psë shihet një nënvlerësim nga ana e pushtetarëve për 21 mijë firmat e qytetarëve që u mblodhën për miratimin e minimumit jetik në vendin tonë. Më herët kreu i kësaj lëzije Arlind Qori shkruan se Shqipëria po kërcënohet seriozisht nga uria e ministrave
“Shqipëria e sotme kërcënohet nga uria e ministrave. Prandaj në vend të rritjes së pensioneve, do të rriten rrogat e ministrave. Ekonomia jonë rrezikohet nga emigrimi i deputetëve. Ndaj në vend të rritjes së pagave të punëtorëve, do të rriten ato të deputetëve. Vendi ynë i ka si sytë e ballit kryeministrin dhe presidentin. E meritojnë edhe ata një rritje rroge. Gjithsesi unë mendoj se shumica syresh në fund të muajit do të vazhdojë të bëjë pyetjen “e pafajshme” të doganierit të barcoletës: Pse paska edhe rrogë kjo punë?, shkruan Qori.
Kuvendi ka miratuar sot rritjen e pagave për deputetët dhe ministrat. Pavarësisht debateve dhe zërave kundër nga radhët e opozitës, por edhe të vetë kryeministrit Edi Rama, pr/ligji është votuar me shumicë të thjeshtë votash.
Projektligji për rritjen e pagave të administratës dhe institucioneve të pavarura në nivelin nga 20-60% u miratua të martën, në Komisionin e Ekonomisë.
Pagat ishte Bëhet
- Presidenti 257.000 lekë 425.000 lekë
- Kryeministri 229.000 lekë 393.125 lekë
- Zv.Kryeministri 187.000 lekë 330.000 lekë
- Kryetari I Kuvendit 229.000 lekë 393.125 lekë
- Ministri 175.000 lekë 318.750 lekë
- Deputeti 157.000 lekë 310.250 lekë
Lidhur me këtë cështjë ka reaguar edhe Ambasadori i Gjermanisë në Shqipëri, Peter Zingraf duke mos preferuar të përfshihet në diskutimin publik në vend për tabelën e re të pagave për administratën dhe ligjvënësit. Në prezantimin e raportit të DIHA për biznesin, Zingraf tha se kjo është një çështje delikate. Sipas tij duhen paga dinjitoze, por ama niveli i përgjithshëm i pagave duhet të jetë i mirë.
“Pagesa e parlamentarëve është një çështje delikate me këto karakteristika. Kush i ruan ata që ruajnë? Deputetët janë ata që vendosin për buxhetin, ndaj nuk dua të përzihem më një pyetje të tillë. Mendoj se deputetët e parlamentit të paguhen në mënyrë dinjitoze, si çdo parlamentar, që duhet të kryejnë një punë të mirë. E rëndësishme ama është dhe niveli i përgjithshëm i pagave. Qeveria shqiptare planifikon që të rrisë pagat në sektorin publik. Kjo lidhet dhe me debatin e emigracionit. Shqipëria duke pasur parasysh dhe rajonin, ka nivelin e pagave më të ulta në rajon. Pyetja konkrete diskutohet në mënyrë kontroverse në shoqëri të ndryshme, por debati i rëndësishëm në shoqërinë shqiptare është se sa ndikojnë te shoqëria.”, tha ambasadori gjerman./Newszone
