FIER– Gjykata e Fierit ka vendosur këtë të shtunë masat e sigurisë për pronarin e vilës në fshatin Dërmenas, ku u gjetën 181 rrënjë hashash. Bëhet me dije se 44-vjeçari Erion Marini alias Xhevair Gashi, është lënë në masën e sigurisë “Arrest me burg”. Gjithashtu gjykata ka lënë në masën arrest me burg dhe për veprën penale “shpërdorim detyre” faturistin Klajdi Grëmi. Ndërsa elektriçisti i OSHEE-së, Behar Fata është lënë nën masën detyrim paraqitje.
Gjatë seancës u tha se kur krahasonte harxhimin e energjisë elektrike nga banorët në matësat e tyre me matësin kryesor të gabinës qendrore, faturisti duhet ta kishte vënë re diferencën që vidhej. Gjyqtarja e çështjes Sonila Hoxha pasi dëgjoi palët, prokurorin Dorian Tafili dhe avokatët Petrit Morina dhe Sefret Hoxha vendosi masat e sigurisë.
