TIRANË– Seanca gjyqësore ndaj deputetit të Partisë Demokratike Ervin Salianji është shtyrë sërish.
Seanca ishte parashikuar të mbahej në orën 13:00 në Gjykatën e Apelit në Tiranë, por për shkak të mosformimit të trupit gjykues, është shtyrë.
“Shtyhet perseri gjyqi i parashikuar ndaj deputetit Ervin Salianji. Sot ne date 19.12.2022, ora 13:00, ne Gjykaten e Apelit Tirane, eshte planifikuar per tu gjykuar ceshtja penale me te pandehur Ervin Salianji, etj. Per arsye te mosformimit te trupit gjykues, gjykimi i ceshtjes nuk do te mund te vijoje”, thuhet në njoftim.
Kjo është hera e gjashtë që ndodh shtyrja e seancës gjyqësore ndaj Salianjit.
Gjykata Penale ka dënuar me 1 vit burg deputetin e Partisë Demokratike, Ervin Salianji për akuzën e “kallëzimit të rremë”, në lidhje me dosjen “Babalja”. Bashkë me Salianjin u dënuan edhe personat e tjerë të përfshirë në këtë dosje. Fredi Alizoti, (i njohur si kunati i Babales), u dënua me 2 vite burg për kallëzim të rremë, Albert Veliu, i njohur ndryshe edhe si “Babalja” u dënua me 3 vite e 5 muaj burg, ndërsa gazetari Jetmir Olldashi u dënua me 5 muaj burg, që iu konvertua në 100 orë punë në komunitet.
