TIRANË– Gjykata e Lartë ka marrë këtë të martë vendimin lidhur me kërkesën e kryebashkiakut të zgjedhur të Himarës Fredi Beleri, i cili kërkoi lirinë nga burgu. Por ashtu si dhe shkallët e tjera të drejtësisë dhe togat e zeza të Gjykatës së Lartë nuk janë bindur nga pala mbrojtëse e Belerit duke e lënë këtë të martë në burg. Vendimi u mor në dhomën e këshillimit nga gjyqtari Sander Simoni. Ky vendim nuk mund të apelohet. Gjykata e Lartë ishte ‘shpresa” e fundit e Fredi Beleroit për të lënë qelinë e burgut.
Fredi Beleri u arrestua nga Policia e Vlorës një natë para zgjedhjeve vendore të 14 majit nën akuzën e “Korrupsionit aktiv në zgjedhje”. Çështja i kaloi për hetim Prokurorisë së Posaçme Kundër Korrupsionit dhe Krimit të Organizuar (SPAK). Pak ditë më parë Gjykata e Posaçme i caktoi masën e arrestit me burg ndërsa Komisioni Qëndror i Zgjedhjeve i dha mandatin e kryebashkiakut. Deri më tani Fredi Beleri nuk i ka pranuar kurrë akuzat ndaj tij. Prokuroria e Posaçme shprehet se ka prova të forta por deri më tani asgjë nuk është bërë publike. Sipas drejtësisë Beleri u arrestua në kushtet e flagrancës duke blerë vota.
