TIRANË: Ditën e djeshme u bë jehonë lajmi i arrestimit të Vangjush Dakos dhe 10 ish-zyrtarëve të Durrësit. Një lumë komentesh e reagimesh edhe ditën e sotme po e shoqërojnë këtë lajm. Ish-kryeministri i vendit Sali Berisha vijon ende reagimet e tij sa i takon këtij arrestimi. Në fjalën e tij Berisha thotë ndër të tjera që Edi Rama fakton çdo ditë dështimin e plotë të reformës së Sorosit në Shqipëri sakaq, ai shpreh se nuk është e vertëtë që Dako u arrestua për falsifikim dokumentesh por kjo ishte një padi e zgjedhur me lezet.
FJALA E SALI BERISHËS:
”Organet e drejtësisë janë në kontroll të plotë të qeverisë. E ka marrë vesh çdo shqiptar se në Shqipëri ka drejtësi me regji dhe regjisori i saj është Edi Rama. Çdo ditë fakton dështimin e plotë të reformës së Sorosit në Shqipëri.Lirohet pas kërcënimeve serioze që i bëri Edi Ramës, Saimir Tahiri. Arrestohet njësoj si në romanet e Markezit, Gjush Dako. Njoftohet arrestimi i tij 4 ditë përpara. E bënë këtë për t’ia dhënë mafies në Dubai, ata e dinë. Por një mandat që përflitet 4 ditë rresht, dëshmon se çdo gjë ka këtu, por drejtësi nuk ka. Megjithatë, Gjushit një fjalë do i them, shkove si ai në vresht për kokë të Tahirit. E meriton plotësisht se je kriminel elektoral i dosjes 339.Por nuk është dënuar për këtë ai, as për pallatet që kushtuan dhjetëra jetë njerëz, u zgjodh me lezet padia për falsifikim dhe shpërdorim detyre. Megjithatë është se shkove si ai në vresht për kokë të Saimir Tahirit dhe mirë ta bënë.”
