TIRANË– Janë zbardhur detaje të reja në lidhje me arrestimin e pastrueses Elida Kodra, e cila akuzohet se ka vjedhur një shuma të mëdha parash në shtëpinë e një çifti të moshuarish ku punointe. Pronarët vunë re mungesën e parave dhe në këtë moment lajmëruan menjëherë policinë pasi ishin të bindur se paratë i kishte marrë Kodra pasi në shtëpi nuk kishte hyrë njeri tjetër.
Kështu me të marrë denoncimin policia bashkëpunoi me pronarët dhe i ngritën kurth. Ata vendosën një shumë parash në një vend të shtëpisë dhe vëzhguan gjithë situatën. Në një moment ajo merr shumën dhe e fut në çantë, në këtë moment ndërhyn policia dhe bën arrestimin e saj. Shuma e parave sekuestrohet ndërsa ajo dërgohet para drejtësisë. Në total ajo dyshohet të ketë vjedhur 2000 euro, 300 dollarë dhe 35 000 lekë të rinj.
