I arrestuari Elgert Gjoni është një nga personat që këtë të shtunë do të njihet me masën e sigurisë pasi ai është personi që siguronte kanabis llambe nga Kanada.
Gjoni është mbajtur për muaj me radhë në vëzhgim nga agjentët e antidrogës, madje është përgjuar, si i janë bërë blerje të stimuluara për të faktuar aktivitetin e tij të shpërndarjes së drogës.
Sipas përgjimeve, ka rezultuar se një dozë të lëndës narkotike që ai sillte nga Kanadaja me postë e shiste deri në 300 euro.
I arrestuari bazën e kishte në zonën e Unazës së Re dhe përdorte rrjetin social ‘Instagram’ për të komunikuar me klientët e tij.
Në një nga rastet edhe agjenti i infiltruar ka komunikuar me të po në këtë rrjet social për t’i blerë dozën e kanabisit që ai sillte nga Kanadaja.
