TIRANË– Menopauza është momenti fiziologjik që përjeton çdo grua në momentin kur përfundon cikli menstrual, ç’ka do të thotë nuk ka më pjellori. Por për disa gra ardhja e menopauzës fillon me ndryshime të mëdha, kryesisht efekte negative me spimptoma fizike dhe psikologjike.
Shumë prej jush ndoshta nuk i dini që shumë simptoma lidhen pikërisht me menopauzën, për shkak të ndryshimit të hormoneve. Më poshtë po ju rendisim disa nga simptomat më të zakonshme që has çdo grua gjatë menopauzës.
Depresioni, ankthi, luhatjet e humorit- Estrogjeni ndihmon në rritjen e nivelit të serotonit dhe dopaminës, hormonet përgjegjëse për humorin. Kur estrogjeni fillon të reduktohet, sjell efekte në disponimin tuaj. Gjatë menopauzës luhatjet e humorit do të jenë më të theksuara, shqetësuese e deri acaruese.
Marrje mendsh- Marramendjet shkaktohet në mënyrë tipike nga ankthi, por gjithashtu edhe si efekt i ndryshimit të hormoneve në enët e gjakut duke e bërë presionin e paqëndrueshëm.
Probleme gjumi- Këto mund të shkaktohen nga djersitja e teprruar gjatë natës që ndodh kur jeni në menopauzë, por edhe nga mungesa e estrogjenit që përmban magnez, substancë që ndihmon muskujt për t’u ç’plodhur.
Harresë-Përqëndrimi i dobët, kujtesa e dobët dhe spazmat e papritura lidhen me uljen e nivelit të estrogjenit. Por fatmirësisht me kalimin e fazës fillestare të menopauzës, funksionet mendore kthehen në normalitet.
Dehidratim i flokëve-Humbja e estrogjenit shkakton edhe reduktim të kolagjenit, një proteinë natyrale që gjendet tek flokët duke i bërë këto të fundit më të brishta. Jo rrallë ndodh që gjatë menopauzës grave iu bien flokët.
Alergji- Ndryshimet që sjell menopauza mund të sjellin alergji apo edhe astmë, deri në pezamatim të lëkurës.
Afshe të nxehta-Kjo është simptoma më e qartë që tregon ardhjen e menopauzës. Nxehtësia nis fillimisht në fytyrë dhe pastaj zbret në qafë dhe kraharor. Kjo mund të sjellë edhe shpeshtim të rrahjeve të zemrës.
Acarim të mishrave të dhëmbëve- Estrogjeni është i rëndësishëm për lubrifikimin e mukozës së gojës. Në menopauzë goja bëhet e thatë, bakteret riprodhohen më lehtë dhe mishrat e dhëmbëve acarohen.
