TIRANË– Kryetari i Partisë Demokratike Sali Berisha është shprehur këtë të shtunë se sistemi i drejtësisë me ardhjen e PD në pushtet do të “çlirohet” nga Xhorxh Soros. Duke iu përgjigjur pyetjes së qytetarëve në Facebook se si mund të zgjidhet kjo kryedemokrati tha se lidhur me këtë do të zhvillohet një referendum popullor.
Sali Berisha: Reformimi i sistemit të drejtësisë, nxjerrja e tij jashtë reformës së Xhorxh Sorosit, që e kam cilësuar se është një nga aktet më madhore të korrupsionit ndërkombëtar, ajo do ndodhë. Nuk ka deklaratë që mund të maskojë dështimin e plotë të kësaj reforme. Kjo ndërhyrje do fillojë me një referendum popullor. Më pas në bashkëpunim me partnerët ndërkombëtare, ne do ndërhyjmë me reformë të thellë në këtë sistem, që t’ia kthejmë drejtësinë ligjit, që ajo të jetë e pavarur nga guvernatorë dhe mafia ndërkombëtare,
