TIRANË– Greqia është tërhequr nga vendimi i saj për të mos pranuar ndihmë nga ekipet zjarrfikëse shqiptare lidhur me situatën e rendë ku vendi fqinj gjendet prej javësh nga zjarret. Raportohet se gjashtëdhjetë trupa të shërbimeve zjarrfikëse të Maliqit, Korçës, Gjirokastrës dhe Dropullit si dhe 10 mjete të forcave të armatosura dhe sistemit të mbrojtjes civile shqiptare janë nisur drejt Greqisë.
Ndërkohë pak orë më para u bë me dije se Athina zyrtare ka refuzuar ndihmën e Shqipërisë dhe mjetet që ishin nisur u kthyen mbrapsht në doganë. Sipas autoriteteve Sistemi Europian i Mbrojtjes Civile bënte me dije se vendet e Bashkimit Europian kishin plotësuar nevojën për trupat tokësorë, ndaj për këtë ka pasur një farë tërheqje të shërbimit zjarrfikës shqiptar.
