TIRANË– Është publikuar foto e Besmir Karajt, djalit të Marjeta Karajt, i cili me urdhër të nënës së tij rrëmbeu, dhunoi e më pas dogji për sa gjalli 61-vjeçarin Menduh Kurt-Deda në vitin 2017. Ai shihet në një foto bashkë me dëshmitarin kyç të ngjarjes Faik Stojna. Ata kanë dalë në një foto në Kishën e Laçit dhe krah fotos Karaj ka shkruar me shefin. Më pas ka ardhur komenti nga Faiku, i cili i shkruan se ata janë miq deri në përjetësi.
Besmir Karaj bashkë me shokun e tij Gazmir Ngota gjetën Kurt-Dedën, i cili prej kohësh ishte fshehur dhe e dhunuan, e më pas e futën në bagazhin e makinës dhe u nisën për në vendin ku dhe do i vinin flakën. Ata shkuan me makinë deri në “Kodër Shupal’ afër Dajtit, nxorrën Kurt-Dedën nga makina dhe sipas dëshmisë së dhënë në Polici nga Gaznmir Ngota ka qenë Besmir Karaj ai që e ka spërkatur trupin e viktimës me benzinë pasi e ka lidhur fort pas pemës e më pas i ka vënë flakën. Më pas janë ktyhyer drejt Tiranës dhe janë kujdesur të feshehnin krimin. Por maskimi i Marjeta Karajt si bamirëse dhe aktiviste ra dhe ajo tashmë do të përballet me drejtësi. Gjatë seancës së sotme nhë Gjykatën e Tiranës ajo i ka mohuar akuzat por prokurorët janë të bindur në versionin e tyre. Ngjarja arriti të zbardhej vetëm pas pesë vitesh. Marjeta Karaj dhe Besmir Ngota tani janë pas hekurave ndërkohë që Besmiri është shpallur në kërkim dhe Policia dyshon se ai fshihet në Itali.
