VLORË– Një skaf me katër turistë në bord ka pësuar avari në mes të detit duke alarmuar Policinë Kufitare. Në momentin që skafi që mbante emrin “Ertion” pësoi avari drejtuesi i identifikuar me inicialet Xh.K ka lajmëruar menjëherë rojën bregdetare që ju ka ardhur dhe në ndihmë. Policia kufitare e gjeti skafin me turistë në vendin e quajtur ‘Shën Vasil’. Asnjë nuk ka pësuar dëmtime dhe janë në gjendje të mirë shëndetësore.
NJOFTIMI I POLICISË:
Sot dt 28.01.2023, ora 14.00, është kërkuar ndihmë te Salla Operative e DVKM Vlorë nga shtetasi Xh.K. kapiten i mjetit turistik Skaf me emrin “ERTION”, i cili kishte pësuar difekt në motorr. Menjeherë në drejtim të tij shkoi në ndihmë shërbimi i SML me mjetin lundrues BP 05 të Stacionit të Policisë Kufitare Triport, të cilët i konstatuan në vendin e quajtur Shën Vasil. Nga efektivat e SML u bë e mundur dhënia e ndihmës dhe shoqërimi i mjetit së bashku me katër persona në bord, në Stacionin e Policisë Kufitare Triport. Personat janë në gjendje të mirë shëndetësore. Faleminderit!
