Gazetarja Suada Daci tregoi në emisionin “Stay Tuned” me gazetaren Valbona Mhilli në Mcn televizion listën e artistëve të saj më të preferuar shqiptarë.
Daci evidentoi emrin e Elvana Gjatës si një ndër artistet më të mira të pas viteve 2000.
Ndërkaq Daci zbuloi edhe një konflikt me Dafina Zeqirin, ku pas kritikave të saj fansat e këngëtares nga Kosova i sulmuan profilin në Instagram.
Ndërsa iu kërkua një renditje e artistëve të preferuar, ajo u përgjigj:
Manjola Nallbani, Jonida Maliqi, Eranda Libohova, Irma Libohova, Flor Mumajesin e dua jashtëmase shumë, për mua është artisti që ka bërë revolucion në muzikën shqiptare në pas vitet 2000. Ardit Gjebrean, se nuk e konceptoj dot të mos jetë në play liste-n time muzikore, Parashqevi Simakun e kam qejf, Alban Skënderaj më pëlqen, ndërsa nga artistët e pas viteve 2000 që ku jam unë asnjëherë s’guxon të ma shajë është Elvana Gjata. Punon fort, nuk është e rastësishme aty ku është. Ia ka dalë dhe po ia del të mbajë fronin e më të mirës. Nëse do shkojmë në Kosovë, Adelina Ismajli ka bërë revolucion, më pëlqen MC Kresha, Ledri, Noizy më pëlqen, një artist punëtor, një reper tamam, që ia ka dalë, s’di ndonjë histori të ndonjë reperi në Kosovë që të ketë qenë kaq i vuajtur. Noizy e ka arritur çdo gjë vetë. Stresi është shoku im i fëmijërisë”.
Lidhur me konfliktin me Dafinën, gazetarja tregon:
Di që Dafina Zeqiri më ka bërë bllok në Instagram. Sepse kam bërë një kritikë në TV dhe u bë shumë e madhe. Madje mbaj mend që fansat e Dafinës vinin dhe më sulmonin profilin tim modest në Instagram, prej 4 mijë follower-sash që kisha atëherë! Fansat më bënin report, por e ktheva sepse edhe unë kisha një IT shumë të mirë”.
