Sistemi shëndetësor shqiptar vazhdon të lëngojë edhe pse propagandohen reforma, investime, trajnime në funksion të profesionalizmit të cilat për hir të së vërtetës nuk po japin rezultat. Madje rezultati është i kundërt me atë që Ministria e Shëndetësisë dhe institucionet e linjës promovon lart e poshtë.
Qendra Shëndetësore nr.8 është dëshmia flagrante e dështimit të sistemit shëndetësor shqiptar. Mjekë të stresuar që nuk dinë të ofrojnë shërbim shëndetësor, mjekë pediatër që më shumë se të kujdesen për shëndetin e foshnjeve e kanë mendjen të relakset në orarin e punës si të pijnë një kafe këmbë për mbi këmbë apo të thithin një cigare pa u shqetësuar se një foshnje disa muajshe po i rrezikohet jeta nga viroza.
Në redaksinë tonë ka mbërritur një denoncim nga një prind. Prindi i një foshnje 11-muajshe tregon peripecitë që ka vuajtur te Qendra Shëndetësore nr.8 për ta vizituar edhe pse temperatura sa vinte dhe i rritej. Nga përtej derës, mjekët e shpërfillin dhe askush prej tyre nuk denjon ta vizitojë foshnjen. Me sa duket, mjekja pediatre Nevila Shtino ka harruar betimin e hipokratit. Ajo ka humbur edhe humanizmin. Kur një gjë të tillë e demonstron ndaj një foshnje të pafajshme pa mbushur ende një vit, ç’mund të presë një i rritur nga mjekë të këtij niveli? Por Nivela Shtino nuk është e vetmja mjeke pediatre te Qëndra Shëndetësore nr.8 që tallet me prindërit e dëshpëruar nga problemet shëndetësore të fëmijëve dhe foshnjave të tyre.
Edhe drejtoresha e kësaj qendre nuk ka ndonjë ndryshim të madh nga mjekja Shtino. Aty sicc duket është kthyer në standard keqmenaxhimi i QSH-së, me radhë që nuk respektohen por vendosin doktoreshat se kush do vizitohet e kush jo e si rrjedhojë mund t’i ndodhë kujtdo që të presë nga ora 8 e mëngjesit e deri në 4-5 pasdite për një vizitë. Imagjinojeni një foshnje me temperaturë të lartë se sa fatale mund të rezultojnë këto orë pritje. Spitalet shqiptare kanë prodhuar mjaft tragjedi. Do të ishte e udhës që Ministria e Shëndetësisë t’i paraprijë çdo situate të pakëndshme me pasoja fatale ndaj ëngjëjve, përpara se të jetë vonë.
Ankesa e prindit D.D
Ju lutem te ngrini nje grup kontrolli prane Qendres Shendetesore nr. 8, dhe konkretisht per pediatren Nevila Shtino. Nje doktoreshe qe vetem humanizem dhe etike nuk ka. Konkretisht situata ime eshte e tille.
Kam nje bebe 11 muajshe dhe eshte semure me antibiotik. Pasi qendrova ne radhe per disa ore sepse dr. e kishte me qetesi te madhe punen dhe ishte e vetme qe punonte ne ambulance ne kete periudhe virozash (nuk e di pse, e di drejtoresha qe ben planin). Qendronte 30 min me cdo person, dilte nga ambulanca merrte kafe ne lokal dhe bente parade para prinderve me femije te semure ne krahe… trokita ne dere pasi po qendronte mbasi kishte mare kafen me nje pacient brenda per me shume se 30 minuta sepse bebit tim i kishte hipur temp dhe kishte filluar te dridhej nga ethet. Trokita dhe i thash, dr te lutem kam bebin me temperature te larte (se ishte e dukshme). Me ndihmon dot, vonohesh me shume????? Mu kthye me nje sjellja aspak humane dhe harbute duke me thene, mos guxo te hapesh me deren ktu te gjithe jane te semure, do presesh derisa te mbaroj une… Po dridhesha ne kembe nga shoku qe mora… u kthye e buzeqeshiur dhe ironike dhe filloi tme perqeshte, qetesohu tha….hapte syte fort dhe dridhte duart…
I thash qe kjo sjellje eshte jasht cdo parashikimi qe mund te kete nje njeri per nje doktor, i thash duhet te vij turp qe perfiton nga halli i te tjereve. Me tha turp te te vij ty dhe shko me dr tjeter une nuk te vizitoj me bebin ktu
I thash kam pritur qe ne mengjes radhe dhe tani mbas zonjes qe ishte para ishte radha ime, me deshiren tende vizitohet femija i thash, ajo vazhdonte qeshte dhe provokonte… Bebi u nxi nga temp ne krahet e mi, dola me nxitim dhe shkova me urgjence te drejtoresha, i thash te lutem me ndihmo.
Ajo me tha prit radhen sa te mbaroj me zoterine ktu. ZOTERIA shume me human se dr e qenderes me tha vazhdo te lutem se e paskw beben keq. Dr mbasi me degjoi shkoi takoi Nevilen dhe doli jasht dhe me tha tani duhet te shkosh te presesh radhen te nje dr tjeter qe ate dite ishte dr e urgjences. Nje tallje si kjo sot, per te mar kujdesin dhe raportin shendetsor nuk do ta harroj gjithe jeten time. Doktoresha “garipe” me drektoreshen shoqe, frikacake ose aleate sapo e vulosen keqfunksionimin e nje qendre shendetesore ne te gjithe elementet e saj. Jam ne pritje te mar raportin tim mjeksore se beben e kam me temp te larte dhe jam e pafuqishme te bej gje tjeter pervecse tju vej ne dijeni per situaten time dhe kushedi sa e sa te tjereve si une.
Ju lutem na ndihmoni!
/ Newszone
