TIRANË– Mëngjesin e sotëm opinioni publik u trondit nga lajmi se një 48-vjeçare kishte gjetur vdekjen brenda ambienteve të bashkisë së Lushnjës. Shpresa Cani, e cila ishte e pamartuar kishte dalë në mëngjes herët nga shtëpia ku jetonte me babanë e saj dhe ishte nisur drejt bashkisë pa e ditur se nuk do të kthehej më e gjallë aty. Ajo kishte vetëm një synim ditën e djeshme, të gjente një zgjidhje e të bënte të mundur rilidhjen e ndihmës ekonomike në bashkinë e Lushnjës. E paraqitur tek zyra e recepsionit ku dhe tregoi se për çfarë kishte shkuar Shopresa u drejtua për në zyrën e Drejtorisë së Ndihmës Sociale në bashki ku mësohet se ka pasur një debat të fortë me punonjësen.
Ajo kërkonte që të ndihmohej nga bashkia pasi me pagesën e KEMP-it që ajo merrte për shkak të sëmundjes së gjakut (talasemisë) e kishte të pamundur të punonte. Marrja e një përgjigje negative në zyrën e shtetit duket se nuk e ka kënaqur Shpresën, e cila sipas mediave dhe burimeve mësohet se ka rrefuzar të dalë nga zyra pa marrë përgjigjen që priste dhe në këtë moment është tentuar të nxirret nga zyra. Sipas informacione drejtoreshë në këtë dikaster është Anila Çela, gruaja e deputetit socialist Bujar Çela.
Në këtë moment ajo ka kërkuar një takim me kryetaren e bashkisë së Lushnjes Emirjeta Sefa. Është ngjitur në katin e dytë të zyrës dhe është pritur nga kryebashkiakja. Në bisedë e sipër ajo është ndjerë keq dhe është rrëzuar në tokë, dyshohet për shkak të një arresti kardiak. Në deklaratën e saj 24 orë më vonesë që e bën rastin të paprecedentë bashkia shprehet se Shpresa Cani dhe Emirjeta Sefa kanë rënë dakort se që në muajin janar ajo do të trajtohej me ndihmë ekonomike nga fondi i bashkisë, por në këtë moment ajo ka shfaqur shqetësime, i është varur koka e më pas ka rënë në tokë.. Në këtë moment thotë bashkia është lajmëruar ambulanvca dhe policia. Cani është dërguar në Spitalin e Lushnjes ku dhe ka ndërruar jetë.
Shpresa Canit iu hoq ndihma ekonomike me pretendimin se kishte tokë në fshat por ajo nuk e dinte se kjo do ti kushtonte dhe jetën. Ajo që bën çudi në lidhje me këtë ngjarje të rëndë është heshtja e institucioneve. Bashkia ku dhe ndodhi ngjarja e rëndë zgjodhi të heshtë me shpresën se ngjarja nuk do të merret vesh ndërsa Policia që nuk nguron të bëjë të ditur nga rastet e vjedhjes së biçikletave deri tek ata që kapen 5 gram hashash këtë herë zgjodhi të heshtë, dhe kjo ngren një pyetje të thjeshtë: Kush ja mbylli gojën Policisë së Shtetit? Blutë e Lushnjes reaguan pas 24 orësh në një koordinim perfekt me bashkinë duke thënë se Cani ndërroi jetë për shkaqe natyrale dhe prandaj zgjodhen të mos e publikojnë rastrin. Askush nuk thotë asgjë për shkaqet natyrale por ajo që e bën edhe më të rëndë këtë ngjarje është se 48-vjeçarja vdiq në zyrat e shtetit dhe njoftimi nga ana e policisë është një detyrim që të hedhë dritë mbi ngjarjen dhe të mbyllë çdo zë dyshues.
Ndërkohë sipas informacione Emirjeta Sefa qytetarja e parë e Lushnjes pas ngjarjes ka kërkuar që në bashki të therret një pulë e zezë, që duke qenë se jemi në prag festash instituciuoni të “mos prekjet nga e keqja” që në këtë rast nuk erdhi nga Shpresa por nga vdekja e saj pas një solloratjeje të mëdha që burokracitë e institucioneve kanë. Rasti i Shpresës nuk është i vetmi, nuk është Shpresa e vetmja që vdiq në mos në zyrën e shtetit por dhe për shkak të një neglizhence dhe bërjes së një syri qorr. Shumë kryefamiljarë janë detyuruar të vrasin veten pasi iu është shkëputur energjia elektrike dhe për shkak të skamjes.
E sot si për ironi kryeministri në një njoftim në rrjetet sociale bëri të ditur se qeveria ka miratuar një paketë të re ndihme për të pakten 1 milionë qytetarë që kanë probleme ekonomike, janë me aftësi ndryshe por dhe për administratën shtetërore. Po ta dinte Shpresa se si person e pa aftë për të punuar për shkak të talasemisë dhe transfusionit të gjaku do të përfitonte nga kjo ndihmë mbase sot do të ishte më e qetë dhe pse mbase kjo nuk do e kishte paralandaluar këtë ngjarje. Heshtja e institucioneve e ka vrarë dy herë Shpresa Canin dhe ne sot ende pas 24 orësh nuk kemi një arsyetim të saktë se pse MBYLLËN GOJËN instutucionet????/Edon Kuqi
