Skandali ‘Gjici’ bëri bujë para pak kohësh ku 40-vjeçarja Alma Kaçi u përfshi në skandalin seksual me ish-kryebashkiakun e Kukësit, Safet Gjici.
Ata u arrestuan më 24 qershor për korrupsion. Gjici akuzohet për korrupsion pasiv pasi dyshohet se ka favorizuar Kaçin duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet.
Sa i përket Alma Kaçit, Gjykata e Posaçme ka refuzuar kërkesën e saj për masë më të butë sigurie. Ajo kërkoi ndryshim mase nga “arrest shtëpie” në detyrim paraqitjeje, por kërkesa e saj u refuzua nga gjyqtjarja Flora Haradinaj.
Kaçi po hetohet nga SPAK për akuzën e korrupsionit aktiv ndërsa kërkoi hetim në gjendje të lirë. Vetë 40-vjeçarja ka pranuar se donte nga Gjici tenderin e qenve.
Të dy kanë pretenduar se kishin një lidhje intime me njëri-tjetrin përpara se të flisnin në zyrën e shtetit për tender e favorizime dhe pasi kishin kryer marrëdhënie seksuale.
