TIRANË– Kryetari i Partisë Demokratike Sali Berisha ka komentuar këtë të premte video-skandalin e ish-kryebashkiakut të Kukësit Safet Gjici dhe përmedjen e emrit të tij në një audio-përghim të publikuar në disa media ku përmendej emri i tij nga Alma.K. Sipas Berishës Gjici është gjobitur nga “lëpirës” të qeverisë me 500 mijë euro ndërsa nuk dha detaje nga takimi me vajzën që shfaqet në video, e cila kohë më parë e ka takuar në zyrë. Po ashtu pati dhe një moment gazmor në takim mes tij dhe gazetarët.
Sali Berisha: Së pari, unë e kuptoj interesin, por çfarë mund të them unë janë tre variante. Varianti i parë është ai që shpjegon Alma. Ai ishte një seks për tender. Kur ua thosha unë këtu korrupsioni erotik, më thoshit na thuaj raste, ja ku është raste. Varianti i dytë është se këtë ia bënë njëri-tjetrit. Grindje e brendshme mes klaneve të PS-së. Përmendin persona të ndryshëm, por unë dokumente dhe fakte nuk kam. Tani ka një përpjekje siç e shihni ju, që Almën ta paraqesin si agresore dhe Safetin si viktimë. Por kjo është unike në botë. Duket se pasi ka ndodhur historia, lëpirësit e qeverisë kanë gjobitur Safetin. Dhe gjoba flitet deri në 500 mijë euro për të mos e dhënë filmin. Mirëpo ndodhi që filmi u dha dhe tani Safeti kërkon paratë edhe nga burgu. Dhe tani kanë gjetur të thonë: Safet, këta ta ka organizuar Ssaliu. E kanë hallin që mos i kthejnë borxhin Safetit. Lidhur me Almën, ajo ka ardhur te unë. Unë si rregull nuk bëj publike bisedat, secili prej tyre është i autorizuar të bëjë publike bisedat. Është e vërtetë që ka ardhur, nuk është e vërtetë kurrë se nuk është praktika ime e luftës politike kjo, se Erion Veliaj nuk do ishte kurrë ky që është në detyrë, po unë jam Sali Berisha dhe nuk shkoj në këto veprime. Këtë e di edhe Erion Veliaj vetë.
