TIRANË– Alma.K, vajza, e cila shfaqet në video-skandalin e regjistruar në zyrën e ish-kryebashkiakut të Kukësit Safet Gjici ku shfaqej duke kryer marrëdhënie seksuale me këtë të fundit ka thyer heshtjen këtë të shtunë.
Në një intervistë për “Ora News” vajza ka thënë se ka qenë në një lidhje me Gjicin. Ndër të tjera ajo thotë se ka një fëmijë. Gjatë bisedës telefonike ajo ka treguar se disa prej lajmeve që janë publikuar në internet janë sajesa dhe të pavërteta. Lidhur me lajmet që qarkullojnë në mediat online, se video ka qenë për të shantazhuar Safet Gjicin, ajo e mohon në mënyrë kategorike.
Ndërsa pyetjes nëse ajo ka dhënë deklarime para hetuesve të policisë apo SPAK, Alma nuk preferoi t’u përgjigjej, por tha se ka pajtuar një jurist, që po merret me të gjitha organet ligjzbatuese në të cilën edhe vetë Alma është pjesë e dosjes.
Mësohet se Alma shpesh herë ka qënë në dyert e komisariatit të policisë së Durrësit, për incidente të ndryshme. Çështjen në ngarkim të ish-kryebashkiakut e ka marrë në dorë prokurorja e SPAK Manjola Kajana, e cila po kryen veprime hetimore, që nga sekuestrimi i regjistrit të hyrje-daljeve në bashki, pamje filmike e po ashtu edhe dokumente.
