TIRANË– I dërguari i Posaçëm i Presidentit të Shteteve të Bashkuara të Amerikës për Ballkanin Perëndimor Gabriel Escobar ka komentuar çështjen ‘McGonigal’. Report Tv shkruan se deklarata është dhënë gjatë një bashkëbisedimi virtual me gazetarë. Escobar është shprehur se nuk janë dëmtuar aspak marrëdhëniet mes Shqipërisë dhe SHBA-së.
Gabriel Escobar: Shqipëria është aleate e NATOS dhe pjesë e këshillit të sigurimit, çështja MC Gonigal, nuk e ka dëmtuar aspak marrëdhënien tonë të mirë me Shqipërinë. Shqipëria na ka ndihmuar shumë përgjatë Këshillit të sigurimit. Megjithatë nuk dua të komentoj shumë McGonigal pasi është çështje që i takon FBI. DASH nuk është pjesë e atyre hetimeve.
