TIRANË– Agjensia e Mbikqyerjes Policore (AMP) ka njoftuar se ka nisur hetimin për disa punonjës policie të komisariatit numër 1. Bëhet fjalë për tre drejtiuesit që talleshin në një bisedë në “Whatsaap” me një vajzë të humbur. Në mesazhet e publikuara shihet se si ata bëjnë komente seksiste dhe gjykojnë vajzën.
NJOFTIMI I AMP:
Drejtoria Rajonale e AMP Tiranë ka nisur menjëherë procedurat për nisjen e hetimit disiplinor ndaj punonjësve të Policisë Tiranë, pas publikimit në rrjete sociale të disa komunikimeve jo etike, në grupet e komunikimit. AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.
