TIRANË– Ankesat për transportin urban në kryeqytet nuk kanë të reshtur, duke filluar nga çmimi i biletës, deri tek pritja e autobusëve në stacion, vjedhjet që ndodhin, e mungesa e kushteve më minimale, qofshin ato higjeno-sanitare, apo edhe siguria e udhëtarëve.
Këtë të enjte pasagjerët e linjës së Tiranës së Re janë terrorizuar nga një sherr me leva hekuri në autobus, pasi fatorinoja dhe kontrollori kanë dhunuar një pasagjer, ku mësohet se ky i fundit kishte hedhur biletën dhe nuk e kishte në dorë kur i kishin kërkuar ta tregonte.
Video e dhunës është publikuar në portalin “JOQ Albania”, ku një qytetarë përshkruan ngjarjen.
View this post on Instagram
Kujtojmë se vetëm pak muaj më parë një autobus urban, ra në lumin e Lanës, ku mbetën disa të lënduar.
Ndërkohë Shoqata e Transportit Urban dhe Interurban, shpesh ka ngritur problematika të ndryshme, ku i janë drejtuar bashkisë Tiranë me kërkesat e tyre, kryesisht për çmimin e naftës, ku dhe patën paralajmëruar se do të operonin me gjysmen e flotave të autobusëve.
