SKRAPAR– Moti i keq që ka “mbërthyer” vendin prej pesë ditësh ka shkaktuar probleme të shumta në të gjithë vendin. Raportohet se për shkak të reshjeve të dendura të dëborës aksi rrugor Plirzë-Mali i Tomorit në Skrapar është bllokuar nga bora dhe është bërë i pakalueshëm për mjetet. Mësohet disa automjeteve janë bllokuar në Malin e Tomorrit dhe po ndihmohen nga efektivët e zjarrfikësja.
NJOFTIMI I POLICISË:
Skrapar/Shërbimet e Policisë, në gatishmëri për t’iu ardhur në ndihmë drejtuesve të automjeteve dhe qytetarëve, në rast nevoje, si pasojë e motit të keq. Shërbimet e Komisariatit Skrapar dhe shërbimet zjarrfikëses u vijnë në ndihmë disa automjeteve të cilat si pasojë e reshjeve të dendura të dëborës kanë ngelur në Malin e Tomorrit. Pas njoftimit se disa automjete si pasojë e reshjeve të dëborës kanë ngelur në Malin e Tomorrit, Policia dhe shërbimet zjarrfikëses janë nisur drejt zonës malore për t’iu ardhur në ndihmë. Gjithashtu iu bëjmë me dije se aksi rrugor Plirzë-Mali i Tomorrit është bërë i pakalueshëm për mjetet dhe subjekti kontraktor po punon për pastrimin dhe hapjen e rrugës për qarkullimin e automjeteve. Në rast nevoje për ndihmë, telefononi në numrin 112 ose dërgoni njoftim në Komisariatin Dixhital.
