Nga Edon KUQI
Askush nuk mund të priste që të kishte një seancë plenare normale ditën e djeshme mes një situate anormale që ka përfshirë vendin prej javësh tashmë, me skandale qeveritare që në çdo vend të botës demokratike do bënte që qeveria të reflektonte dhe të merrte përgjegjësitë që i takojnë. Tashmë është fakt se Kuvendi i Shqipërisë nuk mund të zhvillojë seanca normale me debate konstruktive dhe gjithëpërfshirëse, të flasë për hallet e popullit dhe të punojë për ta. Prej vitesh shohim debate dhe fyerje personale ashtu si dhe dje në mbyllje të një sesioni me huqe të vjetra dhe deputetë maxhorance që vihen në rresht për një për të treguar forcën e kartonëve.
Mungesa e kryeministrit Edi Rama në sallë ishte ajo që trazoi ujërat e trazuar mjaftueshëm tashmë pas skandalit të inceneratorëve që përfshinë drejtëpërdrejtë ish-numrin dy të qeverisë Arben Ahmetaj dhe zyrtarë të tjerë të maxhorancës socialsite, disave u janë përmendur emrat, e të tjerë janë në listë pritjeje. Në një parlament normal kryeministri nëse nuk do të ishte në një vizitë htetërore jashtë vendit duhet të ishte në sallë. Është detyra e tij të japë llogari për kabinetin qeveritar, të flasë për popullin dhe me popullin për atë që prej vitesh po ndodh në qeverisjen e tij që pavarësisht se është e kalbur vijon të qëndrojë në këmbë me patericat e krimit thonë disa e të tjerë thonë me ‘fuqinë” që ka lideri për të bërë kompromise.
Opozita kërkonte “kokën” e tij në parlament por ashtu si dhe në rastet e tjera Rama ia delegoi punën e tij ministres Elisa Spiropali, që me fjalimet e saj mundohet ti mgjajë liderit, debatoi me opozitën por jo në nivelin e duhur. Të braktisësh parlamentin dhe të ikësh në jug për inagurimin e një rrugë është e turpshme dhe antiligjore në rastin kur je në një makinë dhe nuk mban rrip sigurimi.
Në seancën maratonë që zgjati më shumë se 12 orë në fund Edi Rama dhe pse me mungesën e tij ia arriti qëllimit të tij. I votoi të tre projektligjet që i shërbejnë pushtetit personal dhe tregoi forcën e kartonëve me deputetë që vihen në rresht për një para tij, dhe pse të paktën 20 përqind e tyre nuk i kanë lexuar fare as pr/ligjin për kanabisin, as atë të studentëve të mjekësisë dhe aq më pak mandatin e “përjetshëm” të Skënder Gjinushit në krye të Akademisë së Shkencave. Deputetët “memecë” janë normale tashmë në parlamentin që nuk prodhon parlamentrizëm dhe debat konstruktiv, që përdoret nga Kryeministri i vendit si një qebatore ku gatuhen ligjet që i shërbejnë qeverisë dhe jo opinionit publik.
Pr/për Mjekësinë
Pavarësisht se studentët e mjekësisë “piqeshin” në diell jashtë Kuvendit, deputetët me ajër të kondicionuar rrinin ulur në karriget e tyre duke mos prodhuar asgjë. Nuk mund të rregullohet sistemi shëndetësor me metoda diktatoriale të detyrimit me forcë. Nuk mund të iu kërkosh të rinjve të punoj ë në Shqipëri por aq kohë sa nuk u ofron kushtet e duhura, meritokraci, shpërblim dhe mirënjohje për punën që bëjnë. Por kjo në fakt nuk i intereson askujt nga ata që ishin ulur aty. Në një video sklandaloze të publikuar nga studentët, ministrja e Arsimit Evis Kushi rrëzoi propagandën e qeverisë ku iu tha në sy studentëve që ne nuk iu pysim ju, në fakt ka të drejtë, ajo nuk pyet askënd, se i bindet vetëm njërit, liderit global që pasi bëri lëmsh Ballkanin mori pushimet verore në Dhërmi, Jalë e Palasë. 71 kartonët e ngritur dje në seancë janë njollë turpi për parlamentarizmin. Studentët premtojnë se do e dërgojnë në Gjykatën Kushtetuese, po në cilën, në atë që ka rënë dakord me çdo ligj të qeverisë dhe që kjo e fundit i shpërbleu me rritje rroge në kulmin e një krize.
Pr/ligji për kanabisin mjekësor
Ky do të jetë padiskutrim një nga pr.ligjet që tashmë është një ligj më të turpshit për qeverinë në vend. Një ligj i pastudiuar mirë që do i shërbejnë vetëm bandave kriminale sot na shitet si një sukses i madh që do të “fryjë” buxhetin e “shpuar” të vendit. Dhe vetë brenda të majtëve kishte kontestime, kjo u përkthye dhe në tre abstenimet e Fatmir Xhafës, Erion Braçes dhe Pandeli Majkos. Nuk ka një bazë ligjore të mbështetur në prova konkrete se si ky ligj nuk do të jetë një “bingo” për bandat kriminale. Shqetësimi i Braçes ishte i drejtë, në ligj nuk është përcaktuar se sa do të jetë sipërfaqja që do të mbillet. Kjo i jep mundësi kompanisë që do të fitojë tenderin që të zgjedhë sa dhe ku do të mbjellë. Dhe mekaniznat e shtetit e sigurt që do të dështojnë. Rasti i Maqedonisë së Veriut na tregon qartë që një ligj i tillë në këtë Ballkanin e vjetër me politikanë që në të shumtën e rasteve veç të tillë nuk janë një ligj i tillë favorizon vetëm klientët e qeverisë dhe nuk ka asnjë efekt në buxhetin e shtetit.
Pr/ i “mandatit të përjetshëm” të Skënder Gjinushit në krye të Akademisë së Shkencave.
Pjesa e parë e debatit parlamentar u dominua nga emri i Skëndër Gjinushit, ministrit të fundit të diktaturës komuniste që prej vistesh drejtoi Partinë Socialdemokrate të cilën e dorëzoiitek Tom Doshi. Këtu nisin dhe aludimet e opozitës për një “pazar” të mundshëm mes tij dhe Doshit për ti lënë partinë që bëri “namin” në dy palë zgjedhje, parlamentare dhe lokale në këmbin të karrigës së kryeakademikut që vetëm shekenncë dhe studime nuk bën. Nëse kjo të ishte e vërtetë atëherë kjo do ishte e rëndë dhe e turpshme, nëse jo sërish nuk mund të ndryshohet një ligj dhe të krijohet një tjetër vetëm që një njeri të mbajë një karrige që për shumë studiues të tjerë nuk e meriton. Por në mesnatë maxhoranca socialsite i dha “vulën” e përjetshme Skënder Gjinushit në një Akademi Shkencash që nuk prodhon më as shkencë dhe as studime, nuk ka ende një audit që ti tregojë opinionit publik për fondet që kjo Akademi merr, shpenzimet dhe sa është numri i studimeve shkencore në një vit.
Korriku ishte i nxehtë sa i përket temperaturave të larta por mbi të gjitha dhe asaj çfarë ndodhi në politikën shqiptare që pavarësisht se prodhoi debat dhe sherre gushtin të gjithë do të jenë “bashkë” në pushimet e gjata, të kiushtetueshme dhe të “admirueshme” që opozitarë dhe qeveritarë bëjnë bashkë në bregdetin e jugut në rastin më të “keq” dhe në plazhet më të mira të botës në rastin më të “mirë” për ta. Nëse do të flasim se çfarë prodhoi ky sesion parlamentar për njerëzit, qytetarët e këtij vendi nuk do të kishim se çfarë të rëndisim por ama prodhoi shumë për qeverinë, që kaloi ligjet që i interesonin, bëri atë që deshi dhe në fund ende nuk e ka marrë atë që meriton. Opozita pritet të nisë pushimet ndërsa revolucioni të nisë në shtator, ashtu të nxirë do të vërsulemi në Bulevard për të rrëzuar për të disatën herë Kryeministrin që ka ngulur karrigën pas vetës dhe pavarësisht skandaleve i rrëzoi të gjithjë që ta mbajë vetë pushtetin, edhe sa do ta mbajë? Pyetje një milionë dollarëshe që as në shtator duket se nuk të marrë përgjigje./Newszone
