Në një seancë të veçantë plenare të mbajtur në Parlamentin Europian, Kryeministri i Shqipërisë, Edi Rama, mori pjesë për të nderuar Presidentin në largim të Komitetit Ekonomik dhe Social Europian (KESE), Oliver Röpke.
Gjatë fjalës së tij, Rama theksoi rëndësinë e dialogut social dhe vlerësoi ndikimin e Röpke në forcimin e urave midis institucioneve dhe qytetarëve të Europës. Ai u shpreh se përmes punës së përkushtuar të Presidentit të KESE, është transformuar nga një skeptik në një mbështetës të palëkundur të dialogut.
Kryeministri vlerësoi gjithashtu kontributin e Röpke në promovimin e solidaritetit, dinjitetit në punë dhe të drejtave të qytetarëve, veçanërisht gjatë periudhave të trazuara që ka përjetuar Europa si pandemia dhe lufta në Ukrainë.
“Nuk erdha këtu të predikoj për shoqërinë civile, por erdha këtu për të nderuar dikë që më transformoi nga një skeptik i madh për dialog në një ithtar për këtë dialog. E ndjeva që të bëhesha pjesë me ndjenja qartësisht të përzjera deri në këtë moment që po flas. E di që kjo mbledhje shënon fundin e Presidentit të Komitetit Ekonomik dhe Social Europian, Oliver Röpke. Është një momente për të kremtuar punën e një udhëheqësi të jashtëzakonshëm, si një urë mes institucioneve dhe qytetarëve, një predikues se forca e njerëzve qëndron te dialogu. Më lejo që të përgëzoj se nëse s’do kisha privilegjin do të të mendoja se dialogu është predikim i këndshëm për motin. Puna jote është përkushtuar tek të drejtat e përgjithshme, dhe puna e qytetarëve. Keni në qendër duke mbrojtur solidaritetin dhe dinjitetin në vendin e punës. Ky përkushtim i yti, ka frymëzuar udhëheqjen tuaj në Komitetin Ekonomik Social. Kur m9orët detyrën Europa lundronte në stuhi, ndonjëherë njerëzit e harrojnë, por pandemia, lufta në Ukrainë, që vuajnë vendet e biznesit në ekonomi, kështu edhe Shqipëri. Ne nuk kishim mundur të hapnim asnjë kapitull negociues, përmes kësaj trazire dhe paqëndrueshmërie ju sollën bindje dhe paqja. Nga një skeptik si unë, më çuat në një ithtar të dialogu. A nuk është mrekulli kjo?! Dialogu social nuk është luks por është një domosdoshmëri”, tha Rama.
