TIRANË- Menjëherë pasi kreu i ri i SPAK Altin Dumani mori detyrën Nisma thurrje ka shkuar pranë intitucionit për ti dorëzuar kreut të ri të SPAK një listë me 5 prioritete. Endrit Shabani me anëtarë të tjerë të Nismës Thurje pasi kanë dorëzuar listën në SPAK, kanë dhënë një deklaratë për mediat ku dhe kanë treguar se cilat duhet të jenë prioritetet e SPAK për vitin 2023 sipas tyre. Sipas Nismës Thurrje, SPAK duhet ta nisë punën me kallëzimin për procesin e sterilizimit. Në vend të dytë të prioriteteve është inceneratorët, ndërsa në vend të tretë në listën e prioriteteve janë tenderat e rrugëve. Ndërkohë që në vend të katër është denoncimi për pastrimin e parave të mafias italiane dhe shqiptare në vend me ndërtimet, ndërsa në vend të fundit është kallëzimi i Aleancës për Mbrojtjen e Teatrit.
“Pak vite më parë nisma “Thurje” erdhi këtu për të dorëzuar kallëzimin nr 1 dhe ishte për të denoncuar koncesionin e streilizimit. Sot bëhen pikërisht 3 vjet nga ky kallëzim dhe plot 8 vite nga nisja e kësaj afere. Siç e dini afatet proceduariale tejkalohen disa nga veprat parashkruhen dhe ata të cilët i kanë vjedhur shqiptarëve pasurinë e tyre bëhen të paprocedueshëm penalisht. Sot është dhe dita e parë e punës e drejtuesit të ri të SPAK. Altin Dumanit i urojmë punë të mbarë dhe i kemi sjellë një kalendar për vitin 2023, i cili mund të varet në zyrë dhe të shpërbejë si agjendë, në të paktën 5 çështje që duhet të jenë prioritetet e këtij institucioni. Ky institucion mund ta nisë punën me kallëzimin e Nismës Thurje për procesin e sterilizimit Ky institucion mund ta nisë punën me kallëzimin e Nismës Thurje për koncesionin e inceneratorëve. Ky institucion mund të ketë një prioritet të tretë që është kallëzimi i Nismës Thurje për tenderat e rrugëve. Ky institucion mund të ketë prioritet të katër, kallëzimin e Nismës Thurje ku ne kërkuam që të zbardhet pastrimi i parave të mafies italiane në mafien e ndërtimit në Shqipëri. Ky institucion mund të ketë prioritet edhe kallëzimin e Aleancës për Mbrojtjen e Teatrit që ka kërkuar ndëshkimin e atyre që kanë shembur këtë pasuri kombëtare. Në vitin 2019 më datë 23 dhjetor ne i thamë qytetarëve se erdhëm me shpresën se 2019 do ishte fundi i pandëshkueshmërisë. Zoti Dumani sot nisni mandatin e ri, na bëni të besojmë që fillimi i 2023 të jetë fillimi i ndëshkueshmërisë, mos na zhgënjeni”, tha Shabani.
