Ditën e sotme mbreti Charles me anë të një mesazhi të regjistruar dhe foton e preferuar të mbretëreshës Elizabet, foto që tregon një monarke të re, atëhere 42 vjeç, në një portret zyrtar të realizuar në 1968 nga Cecil Beaton kujtoi 1 vjetorin e vdekjes së nënës së tij. Elizabeta II vdiq në moshën 96 vjeçare në Kështjellën Balmoral me 8 shtator të vitit të kaluar. Ndarja e saj nga jeta erdhi pak muaj pas Jubileut të Platintë, që shënoi 70 vitet në fron.
Në një homazh të shkurtër, mbreti falënderon vendin për dashurinë dhe mbështetjen që ka treguar ndaj tij dhe bashkëshortes Kamila, gjatë vitit të parë si monark. Familja mbretërore do të kujtojë Elizabetën II në shërbesa të ndara, në Balmoral dhe Uells, ndërsa në mesditë përshëndetjet me armë në Hyde Park, dhe rënia e kambanave në Abacinë e Ëestminsterit do të shënojnë 1 vjetorin e Charles III në fron. Ja si shprehet Charles :
“Duke shënuar përvjetorin e parë të vdekjes së Madhërisë së saj dhe ngjitjes sime ne fron, kujtojmë me dashuri jetën e saj të gjatë, shërbimin e devotshëm dhe gjithçka që ajo ishte për ne”.
