TIRANË– Sot rreth 30 mijë maturantë do të Gjuhës Shqipe dhe Letërsisë. Provimi i Gjuhë-letërsisë nis në orën 10:00 dhe do të zgjasë plot 2 orë e 30 minuta.
Ashtu si dhe në provimin e Gjuhës së Huaj dhe në këtë provim janë të përfshira të gjithë nivelet e vështirësisë dhe për herë të parë këtë vit do të ketë një test të veçantë për nxënësit me aftësi ndryshe.
Një tjetër risi e maturës do të jetë heqja e fletëpërgjigjeve të provimeve, një kërkesë kjo e maturantëve dhe mësuesve pasi shkaktonte konfuzion te maturantët dhe ngatërresa në korrigjime. Ky është provimi i dytë që zhvillojnë pas atij të gjuhës së huaj, ndërsa testimet e tjera do të zhvillojnë: Matematikën më 13 qershor, ndërsa lëndën me zgjedhje me datë 19.
Këtë vit nëse maturanti do të ketë kontestim për notën mund të bëjë ankim dhe të bëhet rivlerësim i testit. Pra, nëse maturanti merr vlerësimin e testit në e-Albania dhe konstaton që ka një problematikë fillimisht do t’i drejtohet shkollës ku ai ka studiuar. Pas ankimit, do të ngrihet një komision i ngritur nga drejtori i shkollës dhe dy mësues të lëndës, të cilët do e vlerësojnë testin dhe pyetjen ku ka kontestime e nëse ata vërtetojnë se ka problematikë, testi do t’i dërgohet Qendrës së Shërbimeve Arsimore ankimimi, e firmosur dhe e vulosur nga shkolla me bar kod do të bëhet edhe rivlerësimi i testit.
