TIRANË– Kuvendi i Shqipërisë do të votojë sot në një seancë lidhur me kërkesën e SPAK për arrestimin e ish-zv.Kryeministrit Arben Ahmetaj. Pritet që seanca të mbahet sot në orën 10:00, ku do të ketë dy raporte për këtë çështje.
Ish zëvendëskryeministri Arben Ahmetaj akuzohet për korrupsion, fshehja apo mosdeklarim të pasurive dhe pastrim parash. Ai aktualisht nuk ndodhet në Shqipëri dhe mendohet të jetë larguar disa orë përpara se kërkesa e SPAK të mbërrinte në kryesinë e Kuvendit.
