Sot varrezat Serafimovskoye në Shën Petersburg po ruhen me policë të shumtë dhe rrugët në zonën përreth janë mbyllur sepse pritet të zhvillohet varrimi i kreut të kompanisë ushtarake private Wagner, Yevgeny Prigozhin. Ai do të prehet në varreza, e cila zakonisht është e rezervuar vetëm për ushtarakët.
Nga burimet zyrtare nuk është konfirmuar vendodhja e funeralit të Prigozhin, as nëse presidenti rus Putin planifikon të marrë pjesë.
Vdekja e Prigozhin u konfirmua të dielën nga zyrtarët rusë ku ai ishte në mesin e 10 personave të vrarë kur një avion u rrëzua të mërkurën, dy muaj pasi shefi i Wagner udhëhoqi një rebelim të dështuar kundër Moskës. Pas kryerjes së testeve gjenetike Komisioni Hetues i Rusisë verifikoi vdekjen e tij.
Dmitry Peskov, zëdhënësi i Kremlinit të hënën tha se ai nuk ishte në dijeni të kohës dhe organizimit të funeralit. Sipas tij vendimet në lidhje me ceremoninë do të merreshin në konsultim me familjen e Prigozhin.
