TIRANË– Është shoqëruar me debate dhe tensione seanca e sotme plenare. Gjatë fjalës s tij deputeti i Partisë Demokratike Edmond Spaho ka akuzuar ministren e Financave dhe Ekonomisë Delina Ibrahimajn si shpifëse dhe gënjeshtare. Sipas Spahos vendi ynë ka taksat më të larta pavarësisht propagandës që bën qeveria. Në fund deputeti demokrat e krahasoi numrin një të Financave me me kryeministrin, duke thënë se është bërë ‘mjeshtre’, duke nënkuptuar se mashtron.
Por përgjigjen e mori nga deputeti socialist Erion Braçe, i cili i kërkoi Spahos që kur të bëjë akuza të tilla të flasë me prova dhe fakte. Ai tha se paga minimale sot është rritur ndërkohë që hoqi një parealele duke pyetur Spahon se çfarë i ka dhënë qeverisja e Sali Berishës çiftëve kur drejtonte vendin?!
Edmnond Spaho: Kjo nuk e ka fare synim që ta dijë se me sa euro jetohet në fshatra dhe qytete. Synimi dhe modeli i saj është që të flasë me gjuhën e ustait të vet, sikur i ka nxjerrë nga hundët, shpif, shpif, gënje, se diçka do ngelet. Është kthyer në mjeshtre, ia ka kaluar edhe Ramës. Unë me Ramën po e krahasoj pse po e fyej? Taksat më të larta. Rendi dhe siguria nuk kanë qënë kurrë si sot, të nesërmen 4 të tjerë u vranë, mos u shqetësuar aspak, fjeti si qingj. Ky propozim është pjesë e strategjisë për ta zbarzur Shqipërinë. I urren më të diturit, më të zotit. Ligji është diskriminues, do përfundojë në Gjykatën Kushtetuese. Pse bizneset dividentin e taton 30%, me efekte prapavepruese, e morën dividentin…kurse këtyre duhet t’i biem kokës. Ka 10 vjet që vazhdon kjo për të zbrazur Shqipërinë. Ka 10 vite që nuk rriten pagat, përveç se disa kategorive. Janë rritur çmimet e banesave. Duhet të durosh dhe talljet, bëjë një fëmijë, është më shtrenjtë se në Paris. Ju qëshni, duhet ta korrigjoni, kanë ikur shqiptarët.
Erion Braçe: Akuzat e juaja, kanë një burim? A, eurostatin.. atëherë kjo që ka për burim Instat, një pjesë të shifrave iu referuat ju, thotë se emigracioni është 25 mijë. Kam 1 pyetje, në kohën tuaj çfarë i jepnit çifteve të reja, 0 shtëpi, paga minimale në fund të vitit 2013 ka qënë 191 mijë lekë, pra një burri e një gruaje në kohën tëndë në kohën e Berishës i jepje 191 mijë lekë. Ndërkohë që sot paga minimale është 400 mijë lekë plus 400 mijë lekë. Ndërkohë që fëmijëve kur lindnin i jepnit 0 lekë.
