KORÇË– Ministri i Mbrojtjes Niko Peleshi ka reaguar pas incidentit të regjistruar pak minuta më parë në Zvezda të Korçës ku deputeti i Partisë Demokratike Edmond Spaho u përfshi në një konflikt fizik me njjë qytetar. Peleshi tha për mediat tha se një veprim i tillë është i përsëritur dhe se këto nuk janë sjellje qytetare.
Niko Peleshi: Më vjen keq kur dëgjoj për incidente të tilla sidomos nga deputetë. Nuk është hera e parë që ky individ mundohet të bëjë emër nëpërmjet gjesteve dhe sjelljeve shumë të këqija, aspak qytetare, duken si rrufe në qiell të kaltër. Janë tërësisht të huaja në shoqërinë tonë, por gjithsesi janë incidente të vogla që nuk lënë ndonjë gjurmë të rëndësishme. Nesër do harrohen, jemi qytetarë të përgjegjshëm dhe më mirë se me deklarata politike, përgjigjien e jep më mirë populli.
