TIRANË– Prokuroria e Posaçme Kundër Korrupsionit dhe Krimit të Orhanizuar (SPAK) ka arrestuar 5 persona ditën e sotme. Mes të arrestuarëve është dhe Akil Nerjaku. Vënia e tyre në pranga ka ardhur pas rrëfimit që një bashkëpunëtor i drejtësisë ka dhënë para hetuesve.
Nerjaku bashkë me katër të tjerët, identiteti i të cilëve nuk është bërë i ditur janë zbuluar nga SPAK si të përfshirë në një dosje, por nuk dihen më shumë detaje. Akil Nerjaku në shtator të vitit 2022 ishte shënjestër e një atemtati. Raportohet se zrdhri i sotëm i SPAK lidhet dhe me hetimet e kontrollet që që zhvilluan në shtëpinë e Ramazan Rrajës dje në Krujë.
