TIRANË– I hetuar që prej një viti Kryebashkiaku i Durrësit Vangjush Dako ka rënë në pranga ditën e sotme për Korrupsion, shërdorim detyre dhe falsifikim dokumentash për një leje ndërtimi të dhënë 11 vite më parë. Sipas SPAK përpos Dakos këtë të martë janë vulosur edhe 9 urdhër arreste për 9 ish-zyrtarë të bashkisë së Durrësit të cilët dyshohet se kanë qenë të përfshirë në korrupsion, shpërdorim detyre dhe falsifikim dokumentash. Sakaq, një akuzë tjetër që SPAK ka ngritur për Dakon ka të bëjë me një tender vlera e së cilit shkon deri në 180 milionë lekë.
Kujtojmë këtu, se para disa muajsh Kryebashkiaku i Durrësit, mori vëmendjen e të gjithëve pasi u mor në pyetje nga SPAK, gjithashtu vetëm para pak ditësh janë marrë në pyetje zyrtarë e ish zyrtarë. E ndërkohë pritet që SPAK të dalë me informacione të tjera për emrat e ish-zyrtarëve ndaj të cilëve ka lëshuar urdhër-arreste.
