SPAK kërkon 19 vite burg për Talo Çelën.
Bëhet fjalë për grabitjen e 9 prillit 2019 ne aeroportin ndërkombëtar të Rinasit.
Prokuroria e Posaçe ka shpallur pretencën për Talo Çelën, për grabitjen e 4.5 milione eurove në aeroportin “Nënë Tereza” në Rinas, ngjërje e prillit 2019.
SPAK kërkon dënimin e tij me 19 vite burgim, teksa avokati i Talon ëelës kërkoi pak kohë të njihej me materialin e SPAK.
Gjykata e Posaccme e përbërë nga Erjon Bani, Rudina Palloj dhe Elsa Ulliri caktuan seancën gjyqësore në datë 21 nentor ora 10.00, ku do shpallet vendimi.
Talo Çela është një nga personat më të shumëkërkuar në Shqipëri në kuadër të operacionit të koduar “Plumbi i Artë”, që çoi në kapjen e Nuredin Dumanit, Henrik Hoxhajt si dhe të disa personave të tjerë, pjesë e botës së krimit.
Për ngjarjen e 2019, GJKKO në tetor të vitit të kaluar dënoi me 122 vite burg 7 të pandehurit e grupit kriminal.
Klement Çala u dënua me 20 vite, ndërsa gjashtë të tjerët Oltion Veseli, Renaldo Sulaj, Saimir Cela, Oltion Pikli, Alkon Bengasi dhe Eldi Çala me 17 vite burg. Të dënuarit po e vuajnë dënimin në një burg të sigurisë së lartë.
SPAK bën pjesë të fashikullit hetimor bisedat e Talo Çelës në aplikacionin “SKY ECC”, por avokati i tij kundërshton veprimin e prokurorisë së posaçme, duke argumentuar se mund të jene indicie por jo prova.
Në “SKY ECC”, Talo Çela që po gjykohet në mungesë, shprehte shqetësim se mund të gjendesin prova për përfshirjen e tij në supergrabitjen dhe se në rast se i del emri do arratisej në Brazil ku do të ndërronte identitet.
