Mbledhja e Këshillit të Mandateve, për shqyrëtimin e kërkesës së SPAK, me qëllim arrestimin e Arben Ahmetajt, të cilin po e heton për tre akuza “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”, është shoqëruar me debate të forta. Kjo mbledhje është zhvilluar për herë të dytë ditën e sotme, pasi u shty nga dje, dhe rinisi më orën 16:00.
Në të dyja mbledhjet për shqyrtimin e kërkesës së SPAK, Arben Ahmetaj nuk ka qenë prezent dhe largimi u tij është bërë me dije nga avokatët e tij të cilët kanë deklaruar se ai është larguar nga Shqipëria për arsye familjare. Mirëpo, Kryetarja e Kuvendit Lindita Nikolla ka njoftuar se çështje do të shqyrtohet në seancë javën e ardhshme, pra ditën e hënë në orën 17:00, e ndërsa kjo është refuzuar nga Gazmend Bardhi i cili ka deklaruar që mbledhja të rinis menjëherë ditën e nesërme. Nga ana tjetër avokatët e Ahmetajt kanë kërkuar sërish kohë.
