TIRANË– Alma Kaçi, vajza që shfaqet në video-skandalin e Safet Gjicit, duke kryer marrëdhënie seksuale me këtë të fundit në zyrën e tij është paraqitur sërish këtë të premte në Prokurorinë e Posaçme Kundër Korrupsionit dhe Krimit të Organizuar (SPAK). Siç mund të shihet dhe në foto Kaçi e shoqëruar nga një efektive, ka hyrë në GJKKO ku pritet të merret sërish në pyetje.
Safet Gjici u shfaq në një video-skandal më datë 16 qershor teksa kryente marrëdhënie seksuale me një vajzë në zyrën e tij në Bashkinë e Kukësit. Pas kësaj ai dha dorëheqjen duke pretenduar se i kanë ngritur kurth ndërsa pak orë më vonë ai u shkarkua nga detyra me vendim të Këshillit të Ministrave. Pozitat e Safet Gjicit u rënduan më tej pasi pas aktit seksual ai bisedoi me vajzën për një tender për qentë e rrugës që vajza do ta përfitonte pa u futur në garë. Me sa duket kjo e ka fundosur pozitën e Gjicit që tashmë do të përballet me SPAK. Video-skandali solli reagime të shumta dhe trazoi jetën politike në vend. Ndërkohë zgjedhjet në Bashkinë e Kukësit do të përsëriten.
