Sekretari i Përgjithshëm i PD, Flamur Noka i ftuar në “Kjo Javë” me Nisida Tufën, në News24, tha se SPAK duke hapur hetimet ndaj tij për çështjen e pasurisë, tentoi t’i mbyllë gojën.
Noka tha se kjo ishte një tentativë pengmarrje, ndërsa hoqi paralele mes vetes dhe Agron Shehajt i cili sipas tij pasi u kërcënua nga mazhoranca se do t’i godisnin biznesin, po i shërben shumicës.
“Edhe hetimet ndaj meje nga SKAP-i i partisë, ishte tentativë për të më marrë peng. Por nuk merret peng Flamur Noka. Flamur Noka nuk merret peng sa të jetë gjallë. Ata janë të qartë tashmë. Pengmarrja është akt i dhimbshëm. Unë jam deputet i zgjedhur me votat e PD. Unë nëse nuk i bindem PD-së, dorëzoj mandatin, mandati është i demokratëve. Këta të tjerët e duan mandatin e PD dhe Erion Veliajt duan t’i shërbejnë”, u shpreh Noka.
