Prokuroria e Posaçme ka zgjatur me tre muaj hetimet për laboratorin e drogës që u zbulua disa muaj më parë në Frakull të Fierit. Kujtjojmë se në fshatin Frakull u zbuluan rreth 430 kilogramë kokainë e përzierë me pleh kimik. Në lidhje me këtë çështje SPAK ka firmosur 15 urdhërarreste dhe janë arrestuar 10 persona.
Sipas hetimeve, laboratori i kokainës do të ngrihej në banesën e ish-kryetarit të komunës Frakull Viktor Çervanaku, por porosia ishte bërë në emër të vëllait të tij Zenel Çervanaku.Në lidhje me këtë, është shpallur në kërkim edhe shtatasi kolumbian i cili kishte ardhur në Shqipëri për të bërë ndarjen e kokainës nga plehu kimik.
