TIRANË– Universiteti i Mjekësisë ka hapur aplikimet për specializimet afatgjata në mjekësi. Sipas rektorit Arben Gjata, në total janë 330 kuota, ku 161 janë të lira, ndërsa të tjerat janë të mbuluara nga Ministria e Shëndetësisë.
“Kuotat nuk kanë lidhjet me nevojat, por me mundësitë formuese që ka Universiteti. Universiteti i Mjekësisë ka një numër të caktuar pedagogësh dhe një sipërfaqe të caktuar dhe mbi bazën e asaj caktohen kuotat vit për vit. 140 kuota që i mbulon Ministria e Shëndetësisë.”
Rektori Gjata tha se kush janë fushat më të kërkuara nga të rinjtë.
“Kardiologjia është shumë e kërkuar, endokrinologjia. Këto janë degë më të reja siç është dermatologjia apo kirurgjia plastike.”
Gjata foli dhe për specializimet në Fakultetin e Stomatologjisë.
“Janë edhe kuotat që janë hapur në Fakultetin e Stomatologjisë, 20 kuota, dy programe studimi. Një specializim vjen për herë të parë në Shqipëri, shpresoj shumë shpejt të hapim master profesional.”
Afati i fundit i aplikimit është data 10 Mars. Ndërkohë që testi i informatizuar pritet të zhvillohet në muajin Prill pranë Qendrës së Shërbimeve Arsimore. Në total nga testi kandidatët marrin 70% të pikëve, ndërsa nga nota mesatare e studimeve 30%./Tvklan
