TIRANË– Kryetari i Partisë Demokristiane Nard Ndoka, i njohur për komunikimin e drejtëpërdrejtë dhe batutat me sa duket ka “lëshuar” gojën së fundmi teksa ka folur për kryeministrin Edi Rama. I ftuar në “Ora News” Ndoka tha se Rama është i frikësuar në zgjedhjet lokale të 14 majit pasi përballë ka dy kundërshtarë mjaft të forte, kryedemokratin Sali Berisha dhe kreun e Partisë së Lirisë, Ilir Meta. Sipas tij tashmë fytyra e kreut të qeverisë duket si jashtëqitje.
Nard Ndoka: Rama është një humbës se ne e marrim Ramën të pathyeshëm. Rama sot është një humbës aq më tepër që sot ka përballë dy pesha të rënda që frikësohet. Nuk e zë gjumi Ramën natën kur e di që ka përballë Berishën dhe Ilir Metën. Është i trembur, i frikësuar. Kjo është e padiskutueshme. Këtë realitet e di, e pret, pret dhe ndëshkimin. Unë nuk po e them për ngjyrën e fytyrës që është bërë si m**, nëse e marrim si model që ta shohim frikën nga paraqitja. Unë po them te lëvizjet e tij politike.
