TIRANË– Kompozitori Mario Deda në emisionin ‘Stay Tuned’ në MCN TV foli pak më tepër për veten e tij ku rrëfeu për publikun se ai ndihet mirë në momentin që gjërat kanë shkuar në vendin e vetë. Ai tregoi e frika e tij më e madhe është lartësia, ndërsa u shpreh se ndjehet rehat me punën që bënë dhe se si ai ashtu dhe Juli apo Zefi janë të lidhur me punërat e tyre.
“Ndihem mirë kur të gjitha gjërat kanë shkuar në vendin e vet, puna, familja, qejfet. Do doja të mos kisha frikë nga lartësia, i kam vendosur ballkonit një hekur që më vjen deri te koka sepse jetoj dhe në katin e pestë. Ne jemi shumë të pasur nga punët tona dhe kjo jo vetëm për anën e lekëve, ne jemi shumë rehat me punën që bëjmë, pastaj këto detyrat e tjera shoqërore janë të tjera, për shembull Juli në politikë është sepse e ka iniciativë. Ne jemi të lidhur me punërat tona. Juli në politikë ndonjëherë më duket se jep shumë më shumë nga vetja seç duhet të japë, unë në vend të tij do jepja më pak”.
I pyetur se me çfarë është fiksuar gjatë kësaj periudhe, Mario tha se është duke punuar me një skemë punë pak shumë të komplikuar që nuk mund ta shpjegoj dot.
“Po tentoj diçka për vendin tonë me provuar dhe me dalë me hapat dhe kursin klasik të të bërit koncert apo shfaqje që artisti rri në skenë dhe jo si blogera që dalim në skenë dhe bëjmë o, u, i, kjo është tradicionalja, që ne të tregojmë çfarë kemi bërë, diçka të bukur në muzikë apo jo. Këtë po bëj si të bëjmë teatro- koncerte që njerëzit të argëtohen ose të dalin në përfundimin që nuk na pëlqeu. Shpresojmë për një javë ta përfundojmë”.
