TIRANË– Studentët e mjekësisë janë mbledhur prej pak minutash jashtë sallës plenare të Kuvendit ku protetsojnë në kundërshtim të projekt-ligjit të qeverisë që i detyron të punojnë në Shqipëri 5 vite pas shkollës ose në të kundërt nuk do të marrin diplomën. Ata e cilësojnë si antikushtetues këtë vendim të qeverisë teksa shprehen se do të ketë përshkallëzoime nëse qeveria nuk tërrhiqet.
Studenti: Është vendim antikushtetues, të gjitha janë të shkelura në këtë kontratë. Do të ikim drejt Kuvendit. Është prerje në besë për ne. Duhet të na pyesnin dhe ne. Ne do të vazhdojmë me protestat, do të bojkotojmë vitin akademik. Me pak fjalë nuk do të ketë me mjekë të rinj. Unë do të detyrohem që të qëndrojë 3 vite në Shqipëri. Nuk dua të largohem nga vendi, por jam kundra detyrimit që shteti do të vendosë për mua.
