Ushtrimet me intensitet të moderuar ose intensiv ndihmojnë në uljen e rrezikut të vdekjes së parakohshme dhe sëmundjeve kardiovaskulare me 19-21%.
Një përqindje që mund të rritet deri në 31% duke dyfishuar kohën e dedikuar për aktivitet fizik nga 75-150 minuta stërvitje në javë në 150-300 minuta.
Këtë e tregojnë rezultatet e një studimi të ri, të koordinuar nga Shkolla e Shëndetit Publik të Harvardit TH Chan në Boston, SHBA dhe të publikuar në Circulation.
Autorët e hulumtimit vlerësuan ndikimin e aktivitetit fizik tek shëndeti në mbi 100,000 njerëz të ndjekur për 30 vjet.
Duke analizuar të dhënat e mbledhura, ekipi hulumtues vuri re një rrezik të reduktuar prej 31% për sëmundjet kardiovaskulare dhe një rrezik të reduktuar 15% për sëmundjet jo-kardiovaskulare midis pjesëmarrësve që kishin kryer aktivitet fizik intensiv për kohën e treguar nga udhëzimet e komunitetit shkencor.
Nga ana tjetër, subjektet që plotësuan udhëzimet duke u angazhuar në aktivitet fizik të moderuar kishin një probabilitet 22-25% më të ulët të vdekshmërisë nga sëmundjet kardiovaskulare dhe 19-20% nga sëmundjet jokardiovaskulare.
