TIRANË– Armando Subashi mund të jetë i besuari i socialistëve për një rikonfirmin të kandidimit të tij në zgjedhjet vendore të 14 majit. Këtë ka lënë të nënkuptohet kreu i Grupit Parlamentar socialist Taulant Balla, i cili në një prononcim për “MCN” ka deklaruar se bashkia e Fierit është një nga bashkitë model të vendit sa i përket investime dhe punëve publike. Ndër të tjera Balla tha se për këtë ka një meritë të veçantë dhe Subashi. Kjo deklaratë e Ballës duket se është një sinjalizim për një rikonfirmin të kandidaturës së tij përballë Partisë Demokratike në zgjedhjet e 14 majit.
Taulant Balla: Bashkia Fier është një bashki model në Shqipëri. Puna e bërë në këtë bashki është mbresëlënëse. Pasi kalova nga Elbasani në Fier, e kam shkelur çdo cep dhe kam pasur mundësi ta ndjek ndër vite dhe mund t’ju konfirmoj që në bashkinë Fier kryhet një punë serioze në shërbim të komunitetit dhe Subashi ka një meritë të pazëvendësueshme.
Armando Subashi u zgjodh për herë të parë në krye të bashkisë së Fierit në zgjedhjet vendore të vitit 2015. Më pas ai u rikonfirmua në detyrë në zgjedhjet e vitit 2019, të cilat u bojkotuan nga ana e opozitës. Ndërkohë dhe pse ende nuk ka një zyrtarizim të emrave deri në këto momente, më të përfolurit për një rikonfirmin të kandidimit janë kryeytari i bashkisë së Elbasanit Gledian Llatja, Erion Veliaj në Tiranë ndërsa sa i përket Shkodrës emri i mundshëm nga ana e të majtëve është deputeti Benet Beci, i cili duket se prej kohësh është “zhvendosur” në Shkodër për të startuar garën e tij përballë demokartit Bardh Spahia, i cili qeveris Shkodrën që prej 6 marsit të viti të shkuar.
