Sulm terrorist në kryeqytetin e Turqisë, Ankara. Sulmi ndodhi pranë Ministrisë së Brendshme teksa pritej të mbahej sot ceremonia e nisjes së sesionit të dytë legjislativ të Parlamentit turk.
Para ceremonisë, në orët e mëngjesit u dëgjuan shpërthime dhe të shtëna armësh në bulevardin İsmet İnönü, ku ndodhet Asambleja e Madhe Kombëtare Turke dhe ministritë.
Pas njoftimit u dërguan shumë policë, ekipe mjekësore dhe zjarrfikëse.
Ministri i Punëve të Brendshme Ali Yerlikaya tha në deklaratën e tij se një sulm terrorist me bombë është kryer kundër Ministrisë së Punëve të Brendshme, njëri prej terroristëve ka shpërthyer dhe tjetri është neutralizuar nga forcat e sigurisë.
🔴#SONDAKİKA | Ankara, Bakanlıklar bölgesinde yaşanan olay ile ilgili konuştuğum kaynaklar:
Bunun bombalı bir saldırı olduğunu, saldırganın olay yerinde etkisiz hale getirildiğini söylediler.
Olay yeri inceleme devam ediyor. Bilgiler kesin teyitli değildir.
İlk görüntüler: pic.twitter.com/N4GQR8EzAl
— ibrahim Haskoloğlu (@haskologlu) October 1, 2023
DEKLARATA E MINISTRIT YERLİKAYA
Ministri i Punëve të Brendshme, Ali Yerlikaya, në deklaratën e tij në llogarinë e tij në rrjetet sociale tha: “Rreth orës 09:30, dy terroristë të cilët erdhën me një automjet të lehtë komercial para portës së hyrjes së Drejtorisë së Përgjithshme të Sigurisë së Ministrisë sonë të Punëve të Brendshme, kreu një sulm me bombë.
Njëri nga terroristët hodhi veten në erë, ndërsa terroristi tjetër u neutralizua. Gjatë zjarrit u vranë dy policë. “Lufta do të vazhdojë pa pushim derisa terroristi i fundit të neutralizohet”, tha ai.
/ Newszone
