RUSI– Sulme terroriste i ka cilësuar Ministria ruse e Mbrojtjes tre sulmet me dronë gjatë natës ndaj Moskës. Nga sulmet fatmirësisht nuk u regjistruan viktima ndërsa dhe ndërtesat nuk pësuan dëme serioze. Në një deklaratë, Ministria e Mbrojtjes tha se pajisjet radio-elektronike kishin rrëzuar dy dronët që goditën zonën e biznesit Moskva-Citi. Mbrojtja ajrore kishte rrëzuar një tjetër në ajër mbi zonën e Odintsovo në rajonin e Moskës, tha ajo.
Ministria ruse e Mbrojtjes: Në mëngjesin e 30 korrikut, një tentativë për sulm terrorist nga regjimi i Kievit duke përdorur mjete ajrore pa pilot kundër objektivave në qytetin e Moskës u dështoi.
Nuk pati asnjë reagim të menjëhershëm nga Kievi për incidentin e fundit. Hapësira ajrore mbi Moskë dhe rajonet periferike u mbyll përkohësisht për çdo avion mbrëmë pas sulmeve me dron. Ndërkohë asnjë fluturim nuk ka hyrë ose dalë nga aeroporti Vnukovo në periferi jugore të qytetit për rreth një orë, sipas agjencisë shtetërore ruse të lajmeve TASS.
