TIRANË– Kryetari i Partisë Demokratike Sali Berisha ka reaguar pas sulmit me armë në Top Channel ku mbeti i vrarë roja i sigurisë Pal Kola. Në një postim në rrjjetet sociale Berisha shkruan se ajo që ka ndodhur është një sulm kriminmal. Sipas tij kjo ngjarje është dëshmi e pasigurisë në vend si dhe i ka shprehur ngushëllimet e tij familjes së viktimës.
POSTIMI:
Sulmohet me armë zjarri Top Channel dhe ekzekutohet në kabinën e tij roja e objektit. Dënoj me ashpërsinë më të madhe këtë akt të shëmtuar kriminal dhe i shpreh ngushëllimet e mia më të ndjera familjes së viktimës, miqve, të afërmve dhe kolektivit të Top Channel. Denoncoj këtë akt kriminal, si dëshmi tjetër e dhimbshme e pasigurisë së plotë, që ekziston sot në vend nga vendosja e rendit nga regjimi në duart e krimit. sb
Ngjarja e rëndë është regjistruar rreth orës 01:00. Persona ende të identifikuar janë afruar me një makinë tip “Range Rover” dhe kanë hapur zjarr ndaj zyrave të Top Channel. Si pasojë e të shtënave ka mbetur i vrarë roja i sigurisë, 60-vjeçari Pal Kola. Pas breshërisë së kallashnikovit të zbrasur në Top Channel autorët janë larguar e më pas kanë djegur mjetin e përdorur në sulm, i cili rezulton të jetë i vjedhur.
