TIRANË– Detaje të reja kanë dalë në dritë nga sulmi i përgjakshëm me armë zjarri i regjistruar në orët e para të kësaj të hënë në Top Channel ku i vrarë mbeti roja i sigurisë Pal Kola. Raportohet se në lidhje me ngjarjen janë shoqëruar në polici disa persona nga Vlora pasi kamerat e vendosura në hyrje të Vlorës kanë filmuar një makinë që dyshohet të ketë qenë e atentatorëve.
Nga dritarja e mjetit, ata kanë hedhur një send, që dyshohet të jetë një nga armët e marra për tu përdorur në krim. Duke ndjekur mjetin, përmes kamerave, policia ka arritur të zbulojë disa prej pjesëmarrësve në atentat. Personat në fjalë po merren në pyetje dhe nuk dihet ende roli që ata kanë pasur në këtë krim të rëndë.
